babai at lalaki

*** parate

numanu kang lumawe
king tambing makalage,
e mu pimale-male,
sirya reng pemarate.
-30-



***basan

babaing alang galang
king sariling katawan
agyang na'n mu lang puryan,
basan la king katutwan.
-30-


***penyamwakan

ding mangatakong batal,
e mikakunu mu man
isubung amu-nyaman
pelalung penyamwakan.
-30-


***mekumo

karing mau akmulan
ing mekumo king dulang
at mengabaldug lalam
'yang buri rang pulutan.
-30-


***pipanwasan

ing tiltilan ding dakal
nanan ke mang ukulan
anti yang pipanwasan
ding binabing mamangan.
-30-